9. hola: Tjaldur
| Hola 9 | Par 4 | Forgjöf 11/12 | 311 | 267 |
Tjaldur er fjörufugl en verpir ekki lengur í fjörum á Suðurnesi eftir að sjóvarnargarðar voru byggðir. Tjaldar helga sér óðul nánast við hverja braut á golfvellinum. Flest hreiðrin eru í kringum níundu brautina. Hann verpir í graslendi en kýs frekar sand eins og í fjörum. Þess vegna verpir hann gjarnan í sandglompur á vellinum. Eggin eru oftast tvö en nokkuð oft þrjú. Taka má bolta úr glompu þar sem tjaldur hefur verpt. Þær glompur eru merktar með bláum hæl. Tjaldar verja hreiður sitt jafnan með ákafa en ættin sem verpir á Suðurnesi er afskaplega friðsamleg og ræðst sjaldan á kylfinga. Almenn regla er með hreiður og golfbolta að lendi bolti í hreiðri skal lyfta boltanum og láta falla frá hreiðri og ekki nær holu.
Níunda braut er par 4, 311 m löng. Brautin liggur í hundslöpp til hægri upp að skála klúbbsins. Beint flug frá teig að flöt er rúmlega 220 m. Í horninu kringum loftnetsmastur er friðlýst svæði. Friðlýsingin er frá byrjun varps í júni og fram í miðjan júlí á meðan fuglinn er að klekja út egg sín. Frá teig niður að friðlýstu svæði eru um 160 m. Boltar sem fara inn í friðlýst svæði má ekki sækja eða leita að. Fallreitur er neðan við svæðið þar sem keppandi skal láta nýjan bolta falla án vítis.
Styrktaraðilar NK
Getraunanúmer NK
