Bikarkeppnin
Reglur mótsins
Reglur mótsins
1.gr
Mótin eru haldin árlega og hefjast með forkeppni sem er 18 holu höggleikur án forgjafar og punktakeppni með forgjöf. Þeir 32 keppendur sem ná bestum árangri með forgjöf í forkeppninni taka þátt í holukeppni með forgjöf þar sem keppt er um titilinn Bikarmeistari Nesklúbbsins. Þeir 16 keppendur sem ná bestum árangri án forgjafar í forkeppninni taka þátt í holukeppni án forgjafar, þar sem keppt er um titilinn Meistari í holukeppni Nesklúbbsins.
2.gr
Verði tveir eða fleiri keppendur í forkeppninni jafnir á sama skori með eða án forgjafar ræðst röð keppenda eins og kveðið er á um í keppnisskilmálum Nesklúbbsins og 5. grein Móta- og keppendareglna GSÍ.
3.gr
Keppendur í 32 efstu sætunum í forkeppninni með forgjöf og 16 efstu sætunum án forgjafar taka þátt í holukeppninni og veljast í báðum flokkum saman í hverja umferð eftir töflu í grein 12 í C hluta viðauka í golfreglum R&A. Við sætaröðun í Holukeppni án forgjafar ræðst niðurröðun eftir 5. grein keppnisskilmála GSÍ að því undanskildu að ekki verður leikinn bráðabani.
4.gr
Í hverri umferð í holukeppninni með forgjöf eru leiknar 18 holur með fullri leikforgjöf, en þó að hámarki eitt högg í forgjöf á hverri holu. Tekinn skal mismunur á forgjöf leikmanna. Forgjafarhærri leikmaðurinn fær forgjöf á forgjafarlægstu brautunum og þann fjölda brauta sem ákvarðast af við mismun á forgjöf leikmanna. Leikið skal til úrslita í hverjum leik. Verði leikmenn jafnir eftir 18 holu leik skal leikið áfram og fyrsta unnin hola ræður úrslitum. Á sama hátt er leikið án forgjafar.
5.gr
Nefndin ákveður lokafresti til að ljúka hverri umferð holukeppninnar og tilkynnir það í mótaskrá og á auglýsingatöflu. Keppendur í holukeppni koma sér saman um hvenær þeir kjósa að leika hverja umferð fyrir þann lokafrest. Hafi keppendur ekki lokið leik á tilskyldum degi (kl. 23.59) verður hlutkesti varpað daginn eftir. Komi keppendur sér ekki saman um leiktíma skal hann ákveðinn kl. 17.00 á lokadegi hverrar umferðar og sigrar þá sá sem að mætir til leiks.
6.gr
Verðlaun eru veitt fyrir þrjú efstu sætin með og án forgjafar í forkeppninni. Í holukeppninni eru veitt verðlaun fyrir 1. og 2. sæti í hvorri keppni.
Sigurvegari í holukeppninni, með forgjöf, ár hvert hlýtur titilinn Bikarmeistari NK og fylgir titlinum farandgripur. Bikarinn vinnst ekki til eignar. Sigurvegari í holukeppni án forgjafar hlýtur titilinn Klúbbmeistari NK í holukeppni.
Styrktaraðilar NK
Getraunanúmer NK
